Jose Mari Etxebarria Lejarraga

Jose Mari Etxebarria Lejarraga
Bizitza
Jaiotza	Zornotza, 1942ko abenduaren 19a (81 urte)
Herrialdea	Bizkaia, Euskal Herria
Jarduerak
Jarduerak	hizkuntzalaria

Jose Mari Etxebarria Lejarraga (Zornotza, Bizkaia, 1942ko abenduaren 19a) euskalaria da.

Biografia

Teologian lizentziatu zen Erroman 1968an, eta Filologia Erromanikoan Deustuko Unibertsitatean, 1975ean. Etniker Bizkaiako kidea da 1973tik, eta Euskal Herriko Atlas Etnografikoan parte hartu du. Euskaltzaindiko Dialektologia Batzordeko kidea da 1981. urteaz gero, eta batzordeko idazkaria 1983tik aurrera. Urte horretan berean Euskal Herriko Atlas Linguistikoa bere ardurapean hartu zuen taldean sartu zen. 1979-1980 ikasturteaz gero eskolak eman ditu Deustuko Unibertsitatean.

Ahozko euskara eta euskalkiak izan dira Etxebarriaren ikerketen gai nagusiak. 1987an Hizkuntza eta Literatura Saileko idazkaria izan zen Eusko Ikaskuntzan. 1992tik 1995ra sail horretako lehendakari ere izan zen.

Hainbat liburu eta lan argitaratu ditu, besteak beste: Euskal dialektologiarako testo eta ariketak (1983), Euskararen oinarrizko hiztegia (1987), Euskalki guztien etnotestoak (1991), El verbo auxiliar vasco, Formas unificadas y dialectales (2002), Euskarazko grabaketak 1913-1917. Grabaciones en euskara (2008), Amorebieta-Etxanoko hiztegi etnografikoa [CD] (2009).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.