Irrati-kasete

Irrati-kasetea irratia eta grabaturiko kaseteak entzuteko erabiltzen den etxetresna elektronikoa da. Kaseteak entzuteko ere erabiltzen da. Bereziki 1980 eta 1990eko hamarkadetan merkaturatu ziren eta bere kasete-grabagailuaren bitartez, irratiko programak grabatzen ziren. 1980ko hamarkadan, bozgorailu parea zuten irrati-kasete handiak ekoiztu ziren, breakdance eta hip-hop musika eta dantza kulturen ikur bilakatu ziren, boombox edo jambox izenarekin, kalean dantza egin eta musika entzuteko tresna moduan erabili baitzituzten.