Hetera

Hetera, hetæra edo hetaira (grezieraz, ἑταῖραι, hetairai) ziren Antzinako Greziaren goi prostitutak. Luxuzko prostituzioarekin batera konpainiako emakumearen papera betetzen zuen. Grezian prostituta arruntak ere bazeuden baina horiek pornai izena zuten.

Heterak gizartean

Emakume hauek gizartean askotan prestigio handia zuten. Independeteak ziren eta zergak ordaintzen zituzten. Haien iritziak eta sinemenak gizonen artean errespetu handiz entzuten ziren eta sinposiumetan (συμπόσιον) hartzen zuten parte. Orokorrean, esklabu izandako emakumeak edo atzerritarrak ziren. Ederrak ziren eta dantza zein musikarako prestakuntza berezia zuten. Emakume arrunten artean heziketa jasotzea ez zen oso ohikoa, bai heteren artean.

Irudia eta janzkera

Emakume arruntek lihozko eta artilezko itxurazko jantziak erabiltzen zituzten bitartean, heterek jantzi gardenak eramaten zituzten, askotan azafrai-kolorekoak; dena dela, ohikoa zen ere ohiko bizimoduan biluzik ikustea. Eguzkipean lan egiteko beharrik ez zutela adierazteko berun-zuriz makilatuak joaten ziren. Orrazkerak goi mailako emakumeen antzekoak ziren: korapilatsuak eta ileordez beteta. ^[1][2] Pubiseko biloak mozteko pasta berezi bat erabiltzen zuten, dropax izenekoa, ozpinez eta Txipreko lurrez egina.^[3]

Hetera ospetsuak

• Arqueanasa.
• Aspasia Miletokoa.
• Campaspe
• Filenis.
• Frine.
• Neaira
• Glyzere.
• Lais Korintokoa.
• Lais Hikarakoa.
• Leaena.
• Thais.
• Targelia.
• Frine.
• Teodora.

Hetaira taldea

Hetaira prostituten eskubideen alde ari den Madrilgo taldea da. 2003an Giza Eskubideen René Cassin Saria lortu zuen.^[4]

Heterak artean

Bai Antzinako Greziako artean baita ere XIX. eta XX. mendeko artean ohiko gaia izan da hetereena:

Erreferentziak

Ikus, gainera

• Geisha

Kanpo estekak

• Datuak: Q466118
• Multimedia: Hetaeras / Q466118