Donostiako Hiritar Merezimenduaren Domina

Donostiako Hiritar Merezimenduaren Domina Donostiako udalak urtero urtarrilaren 20an ematen duen ohorezko saria da. Urtero Urrezko Danbor bakarra ematen du eta Hiritar Merezimenduaren Dominak bost izaten dira.

Saridunen zerrenda

Hauek dira saria jaso duten Donostiar batzuk.

2021: Zurriola Antzerki Eskola; Añorga Kultur eta Kirol Elkartea; Kresala Zinekluba; Jose María Leclerq, 1813ko sararraskiaren ikertzailea; eta Bidegin elkartea, doluan dauden pertsonei eta gaixotasun larri aurreratuei aurre egiten ari diren pertsonei laguntzeko elkartea.
2020: Naizen Elkartea: Adingabe Transexualen Gurasoen Elkartea; Why Not Fundazioa:Buruko gaitza duten pertsonen eta euren familien bizi-kalitatea hobetzeko egiten duten lanagatik; Bikarte Kultur Elkartea: Errusiako eta Bielorrusiako haurren aldi baterako harreran egiten duen lanagatik; Jesús Rubio Raymond: Hainbat arlo sozialetan egin duen lanagatik. Orona S. Coopen sortzaileetako bat izateaz gain, euskararen eta eskupilotaren harrobiaren alde egindako lanak aitortu nahi dizkiote; Itziar Mintegi Martínez: Animalien eta Landareen Babeserako Elkartean egiten duen lanagatik
2015: Kantu Jira, Juan José Ocón, Txoko Txiki, Goienetxe Fundazioa, María Jesús Bragado
2013: José Luis Alvarez Enparantza (Txillardegi), Jaime Caballero, Luisa Etxenike, Donostia Unibertsitate Ospitaleko Neonatologia Saila, eta Txotxongilo Taldea.

2012: Andresa Portugal, Donostiako Bretxa azokan arrain-saltzailea izan zen.
2008: Kalapie txirrindulari Elkartea
2007: María Teresa Castells liburu-saltzailea

2007: Richard Oribe Joko Paraolinpikoetan guztira 16 domina jaso dituen igerilaria.
1995: Josetxo Mayor filantropoa, urteetan Ulia mendiko bideak musu-truk zaindu eta hobetu zituena.